როგორ ავარიდოთ თავი სასამართლოს ბიზნეს-ურთიერთობებში?!

ბიზნეს-მედიაციის გამოყენების ალტერნატივა!

როგორც არ უნდა პარადოქსულად ჟღერდეს, ბიზნეს-დავებში ჩართული მხარეებისათვის სასამართლო პროცესის წარმოება წამგებიანია!

უპირველეს ყოვლისა იმიტომ, რომ სასამართლო პროცესი დროში გაწელილია და მოდავე მხარეებს შეიძლება წლობით დაჭირდედეთ ლოდინი.

მეორე ის არის, რომ სასამართლო პროცესის განმავლობაში მხარეები განიცდიან ზარალს, რომელიც იზომება სასამართლო ხარჯებით და დროში დაკარგული თანხებით, რაც გამოწვეულია ბიზნეს-საქმიანობის შეფერხებით!

მესამე და კომპანიებისათვის მტკივნეული პრობლემა - სასამართლო პროცესის სპეციფიკასთან დაკავშირებული - მხარეების კონფედენციალური ინფორმაციის გამოვლენის აუცილებლობა!

მეოთხე - სასამართლო პროცესის წაგების შედარებით მაღალი ალბათობა, ბიზნეს-სამართალში არასაკმარისი პროფესიონალური კომპეტენციის გამო.

მეხუთე - სასამართლო დავის შედეგად, ერთ-ერთი მხარისათვის მნიშვნელოვანი ბიზნეს-პარტნიორის და რეპუტაციის დაკარგვის არასახარბიელო პერსპექტივის არსებობა.

სად არის გამოსავალი?

როგორ ფიქრობთ - სასამართლო დამქაცველი პროცესის სანაცვლოდ, რომ შემოგთავაზონ საუკეთესო ალტერნატივის მოძიება და დავის მხარეებისათვის ურთიერთმომგებისანი გადაწყვეტილების მიღების შესაძლებლობა - დათამხდებით?

თუ არა, მაშინ "სასამართლომდე გზა გქონიათ"...

მედიაციის მთელი ხიბლი იმაშია, რომ მხარეები მოლაპარაკების პროცესს ახორციელებენ პროფესიონალი ბიზნეს-მედიატორის მეშვეობით (ერთმანეთთან ყოველგვარი პირდაპირი კონტაქტის გარეშე) და მხოლოდ მოლაპარაკებების დასრულებისას შეიძლება შეხვდნენ ერთმანეთს (ან მხარეების უფლებამოსილი წარმომადგენლები) ახალი შეთანხმების იურიდიული გაფორმების მიზნით.

აღნიშნული მიდგომა და მედიატორის ჩართვა ანთავისუფლებს მხარეებს ერთმანეთთან "არასასურველი" კონტაქტებისაგან.

გარდა ამისა, პროფესიონალი ბიზნეს-მედიატორი ამუშავებს მხარეებისათვის შეთანხმების ალტერნატივებს სხვა და სხვა იურიდიულ-ფინანსური ინსტრუმენტების გამოყენებით, რაც აძლევს მხარეებს საუკეთესო არჩევანის გაკეთების და გადაწყვეტილების მიღების შესაძლებლობას.

შედეგად - ორივე მხარე რჩება მოგებული და თავს არიდებს საკმაოდ სერიოზულ დანაკარგებს!

მოკლედ არჩევანი "თქვენზეა" - ან ტრადიციულად სასამართლო პროცესის შედეგად დარჩეთ საბოლოო ჯამში წაგებულ მდგომარეობაში იმ შემთხვევაშიც კი თუ სასამართლო გადაწყვეტილება იქნება მიღებული "თქვენს" სასარგებლოდ (სასამართლო დადგენილებების აღსრულებასთან დაკავშირებული პრობლემატიკიდან გამომდინარე), ან დარჩეთ მოგებულ მდგომარეობაში (და შეიძლება უკეთეს მდგომარეობაშიც კი - ვიდრე იმყოფებოდით აქამდე).

იმედს ვიტოვებ, რომ ბიზნესის წარმომადგენლები მიიღებენ საღ და გონივრულ გადაწყვეტილებას, ისევ თავის სასარგებლოდ და გამოიყენებენ ბიზნეს-მედიატორის დახმარებას ნებისმიერი სირთულის ბიზნეს-ურთიერთობების დარეგულირების მიზნით.

"გამოსავალი ყოველთვის მოიძებნება!"

ბიზნეს-მედიატორი ვახტანგ ხომიზურაშვილი (ტელ. 593667218)

მარკეტინგის პრობლემები იურიდიულ კომპანიებში

 მარკეტინგის პრობლემები იურიდიულ კომპანიებში

თანამედროვე იურიდიული მომსახურეობის ბიზნესი დღეს ძირითადათ  კორპორატიული კლიენტურის მომსახურეობაზეა ორიენტირებული.

ზუსტად აქ, იურისტების წინაშე ჩნდება პრობლემატური საკითხები, თუ როგორ უნდა მოიზიდონ ახალი კლიენტურა, შეინარჩუნონ „ძველი“ კლიენტები და საერთოდ როგორ გაზარდონ იურიდიულ მომსახურეობასთან დაკავშირებული გაყიდვები?

კონკრეტულად, რა პრობლემების წინაშე შეიძლება აღმოჩნდეს იურიდიული კომპანია, კლიენტურის მომსახურეობასთან მიმართებაში?

1)      კლიენტურის მხრიდან, მომსახურეობის ეფექტიანობის ადექვატურად შეფასების სირთულე.

კლიენტისათვის სირთულეს წარმოადგენს, მომსახურეობის ეფექტიანობის კრიტერიუმების გაგება და შინაარსობრივ დატვირთვაში გარკვევა.

მაგალითად, რატომ იყიდება ბევრად უფრო კარგათ სწრაფადმომქმედი ტკივილგამაყუჩებელი და სამკურნალო პრეპარატები, ვიდრე პროფილაქტიკური სამედიცინო საშუალებები?

ადამიანებს ესმით და ისინი აფასებენ შექმნილი პრობლემისაგან უფრო გამოსავლის საშუალებას, ვიდრე პრობლემებისაგან თავის არიდების შესაძლებლობას.

ამიტომაც რთულია კლიენტის „იურიდიული უსაფრთხოების“ ეფექტიანობის ჩვენება.

როგორ პარადოქსულადაც არ უნდა ჟღერდეს, მაგრამ კლიენტურა იხდის გაცილებით უფრო მეტ თანხებს პრობლემიდან თავისდაღწევისათვის, ვიდრე ამ პრობლემის თავისარიდებისათვის (რაც ბევრად უფრო მომგებიანია).

2)      იურიდიული მომსახურეობის, შედარებითი სიძვირის მიმართ - კლიენტის ანტაგონისტური დამოკიდებულება.

ეს ბუნებრივიც არის, იმიტომ რომ კლიენტი, როგორც წესი მკაფიოდ ვერ ხედავს კვალიფიციური იურიდიული მომსახურეობის სარგებელს და შესაბამისად არაადექვატურად აფასებს მომსახურეობის საფასურს.

3)      იურიდიული მომსახურეობის ეფექტიანობის მიღწევისათვის, შედარებით ხანგრძლივი პერიოდი.

როგორც წესი ეფექტიანი მომსახურეობისათვის საჭიროა იურიდიული კომპანიის და კლიენტის შედარებით ხანგძლივი თანამშრომლობა.

4)      მომსახურეობის ძალზედ ძლიერი გავლენა, კლიენტის ბიზნეს-საქმიანობაზე.

პროფესიონალურ იურიდიულ მომსახურეობას შეუძლია პირდაპირი და ირიბი მნიშვნელობით - გადააჩინოს ბიზნესი, იმდენად რამდენადაც საკანონმდებლო ნორმების დარღვევის შემთხვევაში, ბიზნეს-საქმიანობის გარკვეული პერიოდით შეჩერებამ შეიძლება გამოიწვიოს ბიზნესის სრულად გაკოტრება.

5)      კლიენტურას ბოლომდე არ ესმის იურიდიული მომსახურეობის არსი და სირთულე.

ნებისმიერი სახის პროფესიონალური (კონსალტინგური) მომსახურეობა მიმართულია კლიენტის პრობლემის გადაწყვეტაზე და როგორც წესი ეს პრობლემა ფარულია!

მაგალითად იგივე იურიდიულ მომსახურეობასთან მიმართებაში, წარმოიდგინეთ, რომ კლიენტს არასწორად აქვს შედგენილი ხელშეკრულებები... და ცოტა რთულია დაარწმუნო კლიენტი იმაში, რომ ხელშეკრულებები წინასწარ კორექტულად უნდა იყოს შედგენილი,მანამ, სანამ „ურემი არ გადაბრუნდება“ ...

საქმე ისაა, რომ იმ იურიდიული საკითხების მნიშვნელობა, თუ ბოლომდე არ ესმის კლიენტს, ის როგორც წესი მიიჩნევს მათ, როგორც ნაკლებად მნიშვნელოვანს.

აქედან გამომდინარე, გაწეული იურიდიული მომსახურეობის ანაზღაურების მიღებაც ხშირ შემთხვევაში ხდება საპრობლემო.

როგორ უნდა იმოქმედონ შექმნილ სიტუაციაში იურიდიულმა კომპანიებმა?

(რამოდენიმე რეკომენდაციის სახით)

A.     გაყიდეთ ფასეულობა და სარგებელი!

მარტივად რომ ვთქვათ, გაყიდეთ არა უშუალოდ მომსახურეობა, არამედ ის სარგებელი და ეფექტიანობა, რაც მოაქვს მომსახურეობის ამა თუ იმ სახეს.

ყოველთვის მნიშვნელოვანია შედეგი და ამიტომაც კლიენტურამ უნდა დაინახოს, თუ რაც მოიგებს, თუ ისარგებლებს იურიდიული მომსახურეობით და რას წააგებს, თუ უარს იტყვის თანამშრომლობაზე.

აჩვენეთ კლიენტს, თუ რა შედეგი გამოიღო ამ სახის მომსახურეობამ სხვა კლიენტებთან მიმართებაში (რას „გადაურჩნენ“ კლიენტები და რა მოიგეს).

გამოიყენეთ თქვენს მომსახურეობასთან დაკავშირებული, დადებით კონტექსტში - კლიენტების კომენტარები და გამოხმაურებები.

გამოიყენეთ სტატისტიკა და წარმოუდგინეთ კლიენტებს პრეზენტაციები (პრეზენტაციები უნდა იყოს შესრულებული „სტივ ჯობსის მეთოდიკის“ საფუძველზე).

B.      გამოიყენეთ PR-ტექნოლოგიები.

უნდა ვაცნობიერებდეთ, რომ კლიეტი არ იცნობს (და ხშირ შემთხვევაში წარმოდგენაც კი არა აქვს) იურიდიული მომსახურეობის დეტალებს და სირთულეებს.

ამიტომაც, რაც ბოლომდე არ ესმის კლიენტს, ზუსტად ის აშინებს და იწვევს კლიენტის შფოთვას.

როგორ უნდა დავძლიოთ ეს ნეგატიური ფაქტორი?

ძალიან მარტივად!

ადამიანებს ნაკლებად აშინებთ ის, რაც მათთვის არის ცნობილი და მეტ-ნაკლებად გასაგები, ამიტომ დეტალურად აუხსენით კლიენტებს თქვენი მომსახურეობის ეტაპები.

იმისათვის, რომ მოიპოვოთ კლიენტურის ნდობა, კლიენტების თვალში თქვენ უნდა გამოიყურებოდეთ, როგორც ექსპერტი, რომლისთვისაც ყველა კლიენტის საქმე არის ინდივიდუალური და უნიკალური.

დანარჩენი უკვე ინტერნეტ-მარკეტინგის თემაა, რის შესახებ ჩვენ ვისაუბრებთ მომდევნო სტატიაში.

წარმატებები თქვენს რთულ საქმიანობაში!

მარკეტინგული კომუნიკაციების ექსპერტი - ვახტანგ ხომიზური

(593667218)

თქვენი აზრით, რამდენად იქნება ეფექტიანი იურიდიული მომსახურეობის ბიზნესის განვითარებისათვის - ეს ტრენინგი?

მარკეტინგი იურისტებისათვის

მარკეტინგული კომუნიკაციების ექსპერტი - ვახტანგ ხომიზური

(593667218) (e-mail: marketing100@outlook.com)

ტრენინგი: „იურიდიული მომსახურეობის მარკეტინგი“

12 საათი

ეკონომიკური პოლიტიკის ექსპერტთა ცენტრი

კურსის პროგრამა:

1.      იურიდიული კომპანიების მარკეტინგის სპეციფიკა;

2.      იურიდიული მომსახურეობის სამომხმარებლო ბაზრის მარკეტინგული ანალიზის მეთოდები;

3.      ბაზრის სეგმენტირების პრინციპები და მიზნობრივი კლიენტურის სეგმენტების გამოყოფა;

4.      იურიდიული ფირმის პოზიციონირების პრინციპები;

5.      მარკეტინგული კომუნიკაციების შერჩევა და გამოყენება;

6.      იურიდიული პროდუქტების გაყიდვების სპეციფიკა და გაყიდვების სტიმულირების მეთოდები;

7.      იურიდიული კომპანიების ბრენდინგის პროცესი და იურისტის ინდივიდუალური ბრენდის შექმნა;

8.      საზოგადოებასთან ურთიერთობების პრინციპები;

9.      სარეკლამო კომუნიკაციების ფორმები და მეთოდები;

10.  იურიდიული ფირმის მარკეტინგული გეგმის მომზადების წესები;

v  ტრენინგის პროგრამა შედგენილია იურიდიული სფეროს მარკეტინგის ამერიკელი სპეციალისტის - Sally Schmidt – ის სასწავლო კურსის მიხედვით და ადაპტირებულია, საქართველოს იურიდიული ფირმების სამუშაო სპეციფიკასთან.

v  მოცემული კურსის საკითხების უფრო საფუძვლიანად შესწავლა და პრაქტიკაში მათი რეალიზაცია, შეიძლება დააყენოს თქვენი კომპანია უპირატეს მდგომარეობაში, თქვენს კონკურენტებთან მიმართებაში !

ტრენერი: მარკეტინგული კომუნიკაციების ექსპერტი

ტელ: 593667218

როგორ დავალაგოთ ურთიერთობები იურისტებთან ?

ვინ შევარჩიოთ მომსახურეობისათვის - საშტატო იურისტი, თუ იურიდიული ფირმა?

(სერიიდან: "Marketing of Law" - მარკეტინგული კომუნიკაციების ექსპერტი

                                    - ვახტანგ ხომიზურაშვილი)

დღეს უკვე ყველა ხვდება, რომ ჯობია ცოტა წინ გაიხედო და გზა დაინახო, ვიდრე "ურმის გადაბრუნებას" დაელოდო.

იურიდიული მომსახურეობა ესაჭიროება ყველა "ზომის" კომპანიას, მხვილი თუ მცირე მასშტაბით.
რომელი ვარიანტი უფრო მისაღებია კორპორატიული სექტორისათვის - აიყვანოს შტატში იურისტი, თუ დაიქირაოს იურიდიული მომსახურეობის გასაწევად იურიდიული ფირმა?
მოდით ერთად ვნახოთ ყველა დადებითი და უარყოფითი მხარეები!

პირველი შეხედვით კომპანიისავის უფრო მიმზიდველია - საშტატო იურისტის პოზიცია. ის ყოველთვის ხელმძღვანელობის გვერდშია, კარგათ იცნობს კომპანიის სამუშაო სპეციფიკას, მას შეიძლება ვანდოთ კომფედენციალური ინფორმაცია და რაც მთავარია მისი მომსახურეობა შედარებით არც თუ ისე ძვირია.

ძირითადათ ეს ის ყველა დადებითი მხარეა, რომლებიც განაპირობებენ კომპანიებში იურისტის ვაკანსიის შემოღებას.
დღეის მდგომარეობით, შრომის ბაზარზე სიტუაცია ისეთია, რომ - საკმარისზე მეტი იურისტია (თითქმის ყველა უმაღლეს სასწავლებელს გააჩნია იურიდიული ფაკულტეტი), მაგრამ კარგი იურისტი არც თუ ისე ბევრია.
გამომდინარე აქედან, იურისტის პოზიციაზე სამსახურში მიღებისას არსებობს გარკვეული რისკი და ამასთან ერთად საკმაოდ რთულია გასაუბრების და გამოსაცდელი პერიოდის განმავლობაში, "გახსნა" იურისტის პოტენციალი (თუ გააჩნია ეს პოტენციალი საერთოდ).

ამიტომ სწორი არჩევანის გაკეთება რთულია ! 

აქვე მინდა ავღნიშნო, რომ იურისტის "მდიდარი" გამოცდილება არ განაპირობებს იმას, რომ იურისტი თავის კარიერის განმავლობაში, მაინცა და მაინც ასრულებდა თავის მოვალეობებს ხარისხიანად (და დადებითი რეკომენდაციის შექმნა დღეს ძალიან მარტივი საქმეა...)

იმ შემთხვევაშიც კი, თუ იურისტის პოზიციაზე გვეყოლება კომპეტენტური და ღირსეული კანდიდატი, ეს არ იძლევა იმის გარანტიას, რომ კომპანია მიიღებს ხარისხიან და მრავალი მიმართულებით იურიდიულ მომსახურეობას!

საშტატო იურისტი მართლაც შემძლეა იმისი, რომ შეასრულოს მიმდინარე და ყოველდღიური ამოცანები. მაგრამ ნებისმიერი კომპანიის საქმიანობაში დრო და დრო ჩნდება არაორდინალური სიტუაციები და კორპორატიული სახის პრობლემები.

ამავე დროს, მაშინ როდესაც იურისტი უპრობლემოდ უზრუნველყოფს ისეთი სახის სამუშაოს შესრულებას, როგორიცაა : სახელშეკრულებო, საპრეტენზიო, სასარჩელო ან შრომით საკითხებთან დაკავშირებულ სამუშაო, - როგორც წესი მას ძალიან უჭირს ისეთი იურიდიული პროცესების კონსტრუირება, რომლებიც ითხოვენ ვიწრო იურიდიულ სპეციალიზაციას.

თქვენ ალბათ დაგებადებათ შეკითხვა : "კონკრეტულად იურისპრუდენციაში, რა სახის მიმართულებები ითხოვენ სპეციალიზაციას?"

მაგალითისათვის მოვიყვან სულ რამოდენიმეს!
ეს არის:

·         საგადასახადო ორგანოებთან სასამართლო დავები;

·         ფასიან ქაღალდებთან დაკავშირებული საკითხები;

·         ინვესტორის (პარტნიორის) მიღება და გასვლა;

·         სააქციო საზოგადოების აქციონერების მოთხოვნებთან დაკავშირებული საკითხების გადაწყვეტა;

·         კომპანიის რეორგანიზაცია, შერწყმა და გაყოფა;

·         დებიტორული დავალიანების რესტრუქტურიზაცია და თამასუქებთან ოპერაციების განხორციელება;

·         ანტიმონოპოლიური მოთხოვნების დაყმაყოფილება;

·         ფრანჩაიზინგთან დაკავშირებული საკონტრაქტო ურთიერთობები;

·         ფულად - საგადამხდელო დოკუმენტალური ოპერაციებთან დაკავშირებული საერთაშორისო სამართლის ნორმები;

და უამრავი სხვა არანაკლებ მნიშვნელოვანი საკითხები...

მე არაფერს ვიძახი, საგარეო - სავაჭრო საკონტრაქტო სამართლის მოთხოვნებზე, სადაც გათვალისწინებულია: სავალუტო რისკებისაგან დამცავი იურიდიული დეფინიციები, სადაზღვევო ნორმები და ხშირად საერთაშორისო საზღვაო კოდექსის ნორმებიც.

ეს სულაც არ ნიშნავს იმას, რომ კომპანიის იურისტი - ცუდია!

უბრალოდ, როგორც ნებისმიერ საქმიანობაში, ისე იურიპრუდენციაში საჭიროა - სპეციალიზაცია!

ბევრი კომპანიის ხელმძღვანელებს ბოლომდე არ ესმით ეს საკითხი და ამასთან ერთად ყველამ კარგათ აცნობიერებს, რომ შეუძლებელია ინჟინერი - ელექტრიკოსი, ერთნაირად კარგათ ერკვევოდეს, როგორც კომპიუტერის და ავტამანქანების ელექტრო-მოწყობილობაში ისე ელექტრო-სადგურის ან საწარმოო კომპლექსის  ელექტრო-გაყვანილობაში.

ან იგივე ექიმის პროფესია, რომელიც მოითხოვს ძალზედ დეტალურ სპეციალიზაციას!

მაგრამ რატომღაც კომპანიების მენეჯმენტი, ხშირად თვლის, რომ იურისტი უნდა ერკვევოდეს ყველაფერში უპირობოდ!

ელემენტარულად, რომ წარმოვიდგინოთ რა ზღვა იურიდიული ნორმების და საკანონმდებლო ცვლილებების ნაკადი უნდა გადაამუშაოს იურისტმა, მიმდინარე საქმიანობასთან ერთად, - შეიძლება გავაკეთოთ დაშვება, რომ იურისტი უბრალოდ ვერ შეძლებს კომპანიის ხელმძღვანელობის ადექვატურ კონსულტირებას და  სასამართლო პროცესებზე კომპანიის ღირსეულად წარდგენას.

ამრიგად ხელმძღვანელების მხრიდან , იურისტის "უნივერსალიზაციის" გადაჭარბებულ შეფასების შედეგად, კომპანიამ შესაძლოა მიიღოს საკმაოდ "ძვირადღირებული" ზარალი და დანაკარგები.

იურისტის და იურიდიული ფირმის მომსახურეობის, შედარებით ასპექტში, კომპანიის - იურიდიულ ფირმასთან ურთიერთობის შემთხვევაში, კომპანიას ემსახურებიან რამოდენიმე, შედარებით ვიწრო სპეციალიზაციის  იურისტები და თითქმის იგივე ფასში.

რა თქმა უნდა ამ შემთხვევაში იურიდიული მომსახურეობის ხარისხი გაცილებით მაღალია!
თვით ცნება "მაღალი ხარისხი", იურიდიულ მომსახურეობის სფეროში კი ნიშნავს უსიამოვნებების, დანაკარგების თავიდან აცილებას და ასევე - დროის, ნერვების და ხშირად საკმაოდ მსხვილი თანხების ეკონომიას!

ამიტომ თქვენ თვითონ გააკეთეთ არჩევანი : 
საშტატო იურისტი, თუ იურიდიული ფირმა .........?!

შემდეგი სტატიის ანონსი : "მარკეტინგი იურისტებისათვის" -
 როგორი მარკეტოლოგია საჭირო, იურიდიული ფირმისათვის?

socrates.vx@gmail.com     tel. 593667218