როდის არის წარმატებული ბიზნეს-პარტნიორთა შორის ურთიერთობები და რატომ ხდება სულ უფრო ხშირი მათ შორის უთანხმოება?
იმედია, ყველა დამეთანხმება იმაში, რომ კომპანიაში, პარტნიორთა შორის ბიზნეს-ურთიერთობების "სიჯანსაღე" თამაშობს გადამწყვეტ როლს!
პირველ რიგში, კომპანიის განვითარებისათვის მნიშვნელოვანია
სტრატეგია, რომელსაც განსაზღვრავს, ზუსტად „პარტნიორთა კრება“!
მეორე - ბიზნესის წარმატებულობის მნიშვნელოვანი წინაპირობაა
- პარტნიორების შეთანხმებული მოქმედებები!
ერთი შეხედვით ეს მარტივი და თავისთავად გასაგები „ანბანია“,
მაგრამ, რატომაა ხშირი პარტნიორებს შორის სასამართლო დავები და გაუთავებელი ურთიერთბრალდებები?
მოდით ერთად ვნახოთ როგორია ბიზნეს-იდეით გაერთიანებული
ადამიანების ურთიერთობების „კრახის“ და „მსხვრევის“ ძირითადი მიზეზები...
გაუგებრობა - განსხვავებული წარმოდგენა, ფასეულობიბის
სიტემაზე - ნათქვამის არასწორი ინტერპრეტაცია - „თამაშის წესების“ განსხვავებული აღქმა
- შეუთანხმებელი მოქმედებები - ნეპოტიზმი - მენეჯმენტის და პერსონალის მართვის საკითხებზე,
შეუთანხმებლობა - განსხვავებული მიზნები ...
როგორც წესი ბიზნეს-საქმიანობის დაწყების მიზნით, ადამიანები
ერთიანდებიან ძირითადათ იმ შემთხვევაში, თუ მათ ამოძრავებთ ერთი ბიზნეს-იდეა და მასტან
დაკავშირებული მატერიალური ინტერესები.
იმისათვის, რომ გასაგები გახდეს, ბიზნეს-ურთიერთობების
და ბიზნეს-საქმიანობის, თუ რომელ ეტაპზე შეიძლება წარმოიშვას „ფარული“ პრობლემები,
- განვიხილოთ პირობითი პარტნიორების ურთიერთობები ეტაპობრივად, სესაბამისად პირობითი
N-კომპანიის მოღვაწეობის ბიზნეს-ციკლების გათვალისწინებით...
კომპანიის შექმნა - ერთობლივი ბიზნეს-იდეის საფუძველზე,
კომპანიის ჩამოყალიბების პროცესი, როგორც წესი იწყება ისეთ ძირითად საკითხებზე მოლაპარაკებით,
როგორიცაა:
§ პარტნიორული
კაპიტალის მოძიება და წილობრივი მონაწილეობის განსაზღვრა;
§ კომპანიის
ფუნქციონირებისათვის აუცილებელი მატერიალურ-ტექნიკური ბაზის ჩამოყალიბება;
§ პარტნიორთა
შორის ფუნქციების განაწილება და სხვა;
პარტნიორთა შორის, - რა სახის გაუგებრობები შეიძლება
წარმოიქმნას ამ ეტაპზე?
ამ შემთხვევაში უნდა გავითვალისწინოთ, ადამიანთა შორის
არსებული ტიპიური საკომუნიკაციო ბარიერები და პრობლემატიკა.
მაშ რაში მდგომარეობს ეს „საკომუნიკაციო სენი“?
პირველი ის, რომ მოლაპარაკებების დროს ადამიანები ხშირად
თვლიან, რომ სხვა ადამიანები ზუსტად ისე ფიქრობენ და იმას გულისხმობენ, როგორც თვითონ...
ამას შეიძლება დაუმატოთ ის ასპექტი, რომ ყველა ადამიანს
თავისებურად ესმის ერთი და იგივე გამონათქვამები.
აღნიშნული ფაქტორების გათვალისწინებით, ბიზნეს-მოლაპარაკებების
პერიოდში, ცალკეული პარტნიორები თავისებურად ახდენენ მიღებული ინფორმაციის ინტერპრეტირებას
- „აწყობენ’ საკუთარ ვარაუდებს და ინდივიდუალურად (და განსხვავებულად) აღიქვავენ ერთი
და იგივე ინფორმაციას.
აქედან გამომდინარე, კომპანიის „ჩანასახის“ პერიოდში
შეიძლება გაჩნდეს „მოლაპარაკებების დაუსრულებლობის სინდრომი“ (ანუ საკითხების ბოლომდე
ართქმა და დეტალურად არდაზუსტება).
კონკრეტულად ეს შეიძლება ეხებოდეს ისეთ მიმართულებებს,
როგორც:
-
კაპიტალის მოძიების პერიოდი და კაპიტალის ოდენობა;
-
შესასრულებელი საქმეები და ვალდებულებები;
-
კომპანიის ორგანიზაციული სტრუქტურა და პერსონალი და
ა.შ.;
გამომდინარე აქედან, ყველა პარტნიორს თავისებურად ესმის
ნათქვამი და საბოლოო ჯამში საქმე მიდის გაუგებრობამდე ...
ეს კიდევ არაფერი!
როდესაც პარტნიორები გეგმავენ თავის ერთობლივ ბიზნეს,
ბუნებრივია, რომ ისინი ისახავენ მიზნებს, თუ როგორი სახით მათ წარმოუდგენიათ საკუთარი
კომპანია, გარკვეული პერიოდის შემდეგ...
ეს გასაგებია, მაგრამ ხშირად მათ წარმოდგენაც კი არა
აქვთ, - რა უნდა მოიმოქმედონ და რა თანამიმდევრობით ამ მიზნების მისაღწევად.
უმეტეს შემთხვევაში, მიზნები ბუნდოვანია და არ არის
დაკონკრეტებული არც ქვე-მიზნები და არც დროის ეტაპების ფაქტორიც.
შედეგად ყველა პარტნიორს შეიძლება წარმოდგენილი ჰქონდეს
„საკუთარი“ მიზანი და როდესაც სინამდვილეში კომპანია აღმოჩნდება კარდინალურად განსხვავებულ
მდგომარეობაში, ზუსტად მაშინ იწყება ერთმანეთზე გადაბრალება და უსიამოვნებები...
ეს ერთი!
მეორე არანაკლებ მნიშვნელოვანი ფაქტორია - პარტნიორთა
შორის არსებული ფასეულობების სისტემაზე, სხვა და სხვა შეხედულება!
შეიძლება ადამიანები დიდხანს იცნობდნენ ერთმანეთს, მაგრამ
ბოლომდე ვერ შეიცნონ ერთმანეთის ხასიათი. და როგორც წესი, ხასიათი ვლინდება ხოლმე
- პირობითად „ექსტრემალურ“ სიტუაციებში.
იმისათვის, რომ კომპანია იყოს წარმატებული, აუცილებელია
„გუნდური თამაშის“ წესების დაცვა და როდესაც გუნდი ბოლომდე ვერ „იკვრება“ სხვა და სხვა
„ცხოვრების სტანდარტების“ (და შეიძლება სტერეოტიპების) გამო - ზარალდება ბიზნესი!
ამას თუ ემატება კიდევ არაკოორდინირებული მოქმედებები
- პიროვნული თავდაჯერებულობის და შეიძლება გადამეტებული ამბიციების გამო - მაშინ საქმე
მართლა ვერ არის კარგად.
შენელებული მოქმედების ნაღმი!
ბიზნეს-მედიაციის ექსპერტი (დამოუკიდებელი მედიატორი)
- ვ. ხომიზური
ტელ. 593 66 72 18
